Болгарын нийслэл Софи хотноо болсон жүдо бөхийн өсвөр үеийнхний ДАШТ-ээс хүрэл медаль хүртсэн Б. Хулан, өнгөрсөн жил Перугийн нийслэл Лима хотноо болсон жүдо бөхийн өсвөр үеийнхний ДАШТ-ээс мөнгөн медаль хүртсэн Б.Бат-Энэрэл нар "Мон-Алтиус" дээд сургуульд үнэ төлбөргүй суралцахаар болжээ.

Сургуулийн захиргаа тамирчдыг өчигдөр хүлээж авч уулзан баярт мэдээг нь дуулгасан байна. "Мон Алтиус" дээд сургууль өөрийн харъяа дунд сургуулийн сурагчдаас өндөр амжилт гаргасан сурагчдыг дээд сургуульдаа үнэгүй суралцуулдаг аж.